«Տուբերկուլոզը և 21-րդ դարը»

Հայաստանի Երիտասարդական հիմնադրամի և ԵՊԲՀ-ի երիտասարդ գիտնականների խորհրդի կողմից մարտի 23-ին համալսարանի կապույտ դահլիճում անկացվեց «Տուբերկուլոզը և 21-րդ դարը» թեմայով քննարկում:

Ներկա էին ԵՊԲՀ գիտական աշխատանքների գծով պրոռեկտոր, պրոֆեսոր Միքայել Նարիմանյանը, ՀԵՀ հոգաբարձուների խորհրդի համակարգող Կարեն Ավագյանը, ԵՊԲՀ-ի ուսանողական խորհրդարանի նախագահ Կարեն Ակոպյանը, բժիշկներ, համալսարանականներ, ուսանողներ, հյուրեր:

Բացման խոսք ասացին ԵՊԲՀ-ի գիտական աշխատանքների գծով պրոռեկտոր, պրոֆեսոր Միքայել Նարիմանյանը և համալսարանի երիտասարդ գիտնականների խորհրդի նախագահ Նարեկ Քամալյանը:

Տուբերկուլոզի բուժման և կանխարգելման առկա հիմնախնդիրների մասին զեկուցումով հանդես եկավ հանրապետական հակատուբերկուլոզային դիսպանսերի բժիշկ Լյուբով Նիկոլայանը: Իսկ ԵՊԲՀ-ի ուսանողական խորհրդարանի ուսումնամեթոդական հանձնաժողովի նախագահ Մարիամ Մովսիսյանը հանդես եկավ «Տուբերկուլոզը Հայաստանում և աշխարհում» թեմայով զեկուցմամբ: Ուսանողական խորհրդարանի միջազգային կապերի հանձնաժողովի նախագահ Խաչատուր Մարգարյանը ներկայացրեց ուսանողական կամավորական շարժումների դերը տուբերկուլոզի կանխարգելման անհրաժեշտության գործում:

Հիշեցնենք, որ մարտի 24-ը տուբերկուլոզի դեմ պայքարի համաշխարհային օրն էր: 1882թ. մարտի 24-ին գերմանացի մանրէաբան Ռ.Կոխը հայտարարեց տուբերկուլոզի հարուցչի հայտնաբերման մասին: Դրանից 111 տարի անց` 1993 թվականից ի վեր, մարտի 24-ը ողջ աշխարհում նշվում է որպես տուբերկուլոզի դեմ պայքարի համաշխարհային օր: 

Ի դեպ` ամեն տարի 1.6 մլն մարդ է մահանում տուբերկուլոզից` մեծ մասը զարգացող երկրներում:

Հարցեր, պատասխաններ, մեկնաբանություններ